صانعة الملصقات ( Label Maker )

السلام عليكم ورحمة الله

اليوم حابه اشارككم منتج جميل جدا وما استغنى عنه

طبعا كل الامهات الي متبعين التنظيم بالملصقات في بيتهم بيستخدموا طريقة طباعة الاسماء ,,  اما بطابعه خاصه زي طابعات شركة بروذر (Brother ) او طباعه عادية على الطابعة المكتبيه

وهذه 3 نماذج لاستخدامي لها,, 

*البهارات           *علب التوزيعات           *الملفات 

فكرة الجهاز مفيدة مرة ,, لكن فيه مشكلة وحده ان اغلب النسخ الموجودة بالسوق بالسعودية مافيها الا حروف انجليزية ,, وهذه مشكلة اذا تنظيمك لمكان معين يستخدمه الاطفال يقراو عربي بس, 

النسخه الي انا استخدمها تطبع عربي وانجليزي وكل اللغات اذا مثلا تبغي تطبعي لشغالتك بلغتها ,, 

                                                     

                                                   
مميزات الطابعه :

• تطبع على اكثر من نوع ورق ( اوراق خاصه بصانعة الملصقات ) شفافه وملونه وبيضا 
• تطبع صور مصغره واشكال ( اذا الطفل مايقرا ممكن يفهم بالشكل )

عيوب الطابعه :

• تشتغل بالكهرباء وعلى الكمبيوتر , في المقابل باقي الانواع (ماتكتب عربي)محمولة وتشتغل بالبطارية
• الطابعه تترك مسافة 1 سم كل مرة تطبع قبل وبعد الكلام وهذه خسارة ورق بدون فائدة

الجهاز طلبته من امازون(رابط المنتج) وسعره , 300 ريال , ممكن يكون سعره مبالغ فيه  بس لك وللزمن خاصه انه اسهل من الطباعه على الطابعه المكتبيه ,, صار لي استخدمة سنة ونص

الورق مغلف من فوق بطبقه عازلة بحيث ان الموية ماتاثر على الحبر ,, وفيه لصق من تحت تقدري تلصقية على اي سطح


الاوراق تقدري تطلبيها من امازون او تشتريها من جرير مباشرة ,, 

,,,

من وجهة نظري ان اي ام تتبع نظام ترتيب معين لازم تستخدم الجهاز , بدل ماتطلع على ورق عادي وتقصه وتستخدم غراء وتلصقه بعدها تغلفه بورق تجليد عشان مايتعدم ,,