مطبخي قبل و بعد

السلام عليكم ورحمة الله ,, 

عندي قناعة ان المطبخ اهم جزء بالنسبه ليا بالبيت لازم يكون مريح ومرتب ,, يمكن لان اكثر جزء استخدمه طول اليوم

مطبخي , من سكنا بالشقة الجديدة ,, في حاله عزابية , طبعا مرة ماكان فيه وقت ولا مزاج اني اهتم فيه ,, 

بدا الصيف وصار الوقت الفاضي كثير جدا , وزوجي خلص دراسته , وولدي مو مرتبط بحضانة او انشطة ,, فكان الوقت المناسب اني ابدا فيه ,,

مشكلة مطبخي ان مافيه شي واضح , كل شي في كل مكان , مافي مكان مخصص لكل حاجة , يعني اذا بدور على شي ادور عليه بكل الدواليب ,,

اول خطوة رسمت مطبخي على ورق رسم سريع بدون تفاصيل.. وحددت كل دولاب لايش المفروض يكون على حسب اهمية استخدامي له ,, ولانه محدثتكم قصيرة , فكان لازم اخلي الدواليب الي تحت للاستخدام المستمر , والي فوق للتخزين , 

استخدمت البوست نوت عشان اقدر انقل الورق اذا حبيت اغير حاجة  

بعد ماخططت , قررت ايش احتاج للمكان هذا ,, وايش الحجم واللون , وكم حبه , 

وبدات اتفرح ع النت , طبعا كل الاغراض اخدتها من كي مارت kmart , ودايسو Daiso

اسعارهم معقولة جدا , 

بعد ماحددت ايش ابغا وتاكدت المقاسات مناسبة , رحت السوق واخدتها ,, 

..

.

وبدا الشغل ,,

هنا الصور 

قبل وبعد 

الادراج كلها اضفت تحتها مات Mat الي تنحط على طاولات الطعام

وثبتت الاغراض مكانها , لان الدرج لما يتفك ويتسك كل شي يتحرك من مكانو

.

.

.

.

.

.

المشكلة مع دولاب الشاهي كان كلو علب الشاهي بكراتين فاخذت علب البهارات وحطيت فيها الشاهي وصندوق ورا صغير للسكر الخاص بالدايت واكياس الشاهي الفرط

.

.

.

الدرج الاخير كان لكل شي مالو مكان بالمطبخ , ودائما حايس والاغراض تطلع منو وماعاد ترجع وعلى هذه الحاله

.

.

.

دولاب تحت المغسله 

.

.

.

المغسله مافيه تغير كبير بس شوية ترتيب

.

.

.

.

.

.

للاسف الثلاجة اكثر شي كان عليها تغير واضح ومن الحماس نسسيت اصورها

مشكلة الثلاجة كانت كلها اكياس خضار ودائما مليانه ع الفاضي

بعد ما استخدمت حاويات شفافه صارت واضحه من جوا

.

.

.

.

.

.

.
.

باقي سطح المطبخ كامل يبغاله جرد واعادة ترتيب , ان شاء الله المرة الجايه